«Ышаныч» үзәге карамагындагылар татар бизәкләре белән танышты

2026 елның 16 июне, сишәмбе

Яр Чаллы шәһәренең «Ышаныч» халыкка социаль хезмәт күрсәтү комплекслы үзәге карамагындагылар тәлинкәләргә традицион татар орнаменты ясау буенча мастер-классларда катнаштылар. Чара «Энергетик» мәдәният сараенда, Сабантуйны бәйрәм итү кысаларында оештырылды.

Катнашучылар тәҗрибәле остазлар җитәкчелегендә гуаш бизәкләре ясау техникасын үзләштерде. Эштә милли декоратив-гамәли сәнгатьнең классик мотивлары кулланылды. Һәр автор уникаль композиция башкарды.