Казанда шахмат-шашка турниры узды

2026 елның 21 мае, пәнҗешәмбе

21 майда Казанда  социаль хезмәт күрсәтү учреждениеләрендә социаль хезмәтләр алучылар арасында XII Республика шахмат-шашка турниры узды. Чараны Татарстанның Хезмәт, халыкны эш белән тәэмин итү һәм социаль яклау министрлыгы һәм министрлыкның Республика ресурс үзәге оештырды.

Быел ярышларда 63 кеше катнашты: 43 өлкән кеше һәм 20 бала.

Биш тур нәтиҗәләре буенча хөкемдарлар коллегиясе турнир җиңүчеләрен билгеләде.

Турнир бүләкләү тантанасы белән тәмамланды. Җиңүчеләргә кубоклар, дипломнар һәм кыйммәтле бүләкләр тапшырылды.