«Солнечный» реабилитация үзәге тәрбияләнүчеләре яшь ашпазлар турнирында катнашты
14 майда Казан шәһәрендәге мөмкинлекләре чикләнгән балалар һәм яшүсмерләр өчен «Солнечный» реабилитация үзәге тәрбияләнүчеләре Юнус Әхмәтҗанов исемендәге ислам илләре яшь ашпазларының III Халыкара турнирында катнашты. Чара «Россия – Ислам дөньясы: KazanForum» Халыкара икътисади форумы кысаларында узды.
«Турнир кысаларында безнең талантлы ашпазларыбыз тәҗрибәле шеф-ашпазлар мастер-классында катнашты һәм үзләрен зур кулинария берләшмәсенең бер өлеше итеп тойды, — ди үзәк белгечләре. — Бу чарада катнашу яшь ашпазлар өчен генә дә гастрономия дөньясында яңа казанышларга этәргеч булачак».
Бу уникаль вакыйга үзәк тәрбияләнүчеләренә үзләренең кулинария осталыкларын күрсәтү, төрле халыклар традицияләре турында күп нәрсә белү һәм заманча азык технологияләре белән танышу мөмкинлеге бирде.