"Уңыш формуласы"н тапкан журналистларның исемнәре билгеле булды

2013 елның 17 декабре, сишәмбе
Кичә Татарстан Республикасы Хезмәт, халыкны эш белән тәэмин итү һәм социаль яклау министрлыгы бинасында массакүләм мәгълүмат чараларында эшче һәм инженер һөнәрләрен популярлаштыру темасын  иң яхшы яктырту буенча  “Уңыш формуласы”  журналистлар конкурсының җиңүчеләрен бүләкләү тантанасы булып узды. Республиканың 18 районында урнашкан ММЧлары вәкилләре Казанга үзләренең бүләкләрен алырга җыелдылар. Конкурста барлыгы 3 иҗат коллективы, 31 кеше катнашкан. Алар тарафыннан конкурска 179 хезмәт тапшырылган.  Иң актив катнашучылар рәтендә - "Нижнекамскнефтехим" ААҖ, "Татнефть" ААҖ. Иң инициатив ММЧ Казан, Яр Чаллы, Менделеевск, Әлмәт, Яшел Үзән, Минзәлә һәм Нурлатта дип табылган.

Җиңүчеләр 6 номинация  буенча билгеләнгән иде: "Иң яхша басма матбугат", "Иң яхшы телепрограмма", "Иң яхшы радиотапшыру", "Иң яхшы интернет-басма", "Иң яхшы фото" һәм "Уңыш баскычы". 

Иң күп эш тапшырылган номинация - "Иң яхша басма матбугат" - барлыгы 72 эш килгән.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International