Татарстаннан проектлар «СоцТех» премиясе шорт-битенә керде

V «СОЦИО» Халыкара социаль технологияләр форумы-күргәзмәсе кысаларында «СоцТех» халыкара премиясе булдырылды. «СоцТех» премиясе – кешеләрнең тормыш сыйфатын яхшыртучы, кеше потенциалын үстерүче, социаль тотрыклылыкны ныгытучы һәм киләчәкнең яңа стандартларын формалаштыручы социаль юнәлештәге товарлар, сервислар һәм технологияләр җитештерүчеләрне билгели торган һөнәри премия.

Эксперт сайлап алу нәтиҗәләре буенча «СоцТех» премиясенең шорт-бите төзелде, анда Россия Федерациясенең 23 субъектыннан иң яхшы социаль юнәлешле проектлар кертелде. Проектлар гомуми максат белән берләштерелгән юнәлешләрнең киң спектрын колачлый.

Шорт-биткә Татарстан Республикасыннан өч проект кертелгән: «Үзебезнекеләр өчен киңлек» («МХОда катнашучыларга һәм аларның гаиләләренә ярдәм итү һәм интеграцияләү» юнәлеше), «Игелекле куллар» иҗат остаханәсе» («Социаль инициативалар һәм иҗтимагый үсеш» юнәлеше»), «Ббалалар сәламәтлеген саклауда кураторлык: гомерне коткару технологиясе» («Сәламәтлек һәм озын гомерлелек» юнәлеше).

«СоцТех» халыкара премиясе нәтиҗәләре 7 апрельдә ТАСС мәйданчыгында «СОЦИО» юбилей форумының матбугат конференциясе кысаларында игълан ителәчәк.

Лауреатларны бүләкләү тантанасы 14 апрельдә узачак.