Минзәлә социаль хезмәт күрсәтү үзәгендә тематик стенд ясадылар

2026 елның 6 апреле, дүшәмбе

11 апрель ел саен Халыкара фашист концлагерьлары тоткыннарын азат итү көне билгеләп үтелә. Минзәлә районы халыкка социаль хезмәт күрсәтү комплекслы үзәгенең гаилә белән эшләү буенча белгече Сөмбел Федосеева «11 апрель – истәлекле көн тарихы» дигән мәгълүмати стенд әзерләгән. Ул Икенче бөтендөнья сугышы концлагерьларының фаҗигале тарихын, аларны азат итүнең мөһим моментларын һәм үзләштерергә кирәк булган сабакларны яктырта.

«Бу дата рухның сыгылмавын символлаштыра, якынча 12 миллион һәлак булучы турында истәлекне мәңгеләштерә һәм нацизмның ерткычлыклары турында искә төшерү булып хезмәт итә», – дип сөйли гаилә белән эшләү буенча белгеч.