«Кама таңнары» приютында чираттагы иҗади мастер-класс узды

2026 елның 2 апреле, пәнҗешәмбе

Менделеевск районының «Кама таңнары» балалар һәм яшүсмерләр өчен социаль приютында «Курчак фургоны» музей-студиясе» проектын гамәлгә ашыру дәвам итә, ул Татарстан Республикасы территориясендә «Лукойл» ГАҖ социаль һәм мәдәни проектлар конкурсында җиңүче булды.

Проектны гамәлгә ашыру кысаларында приютта курчак ясау буенча мастер-класс үткәрелде. Традиция буенча бу курчакларны парлап бәйләгәннәр: берсен – ак җептән, икенчесен – кызыл җептән. Ак төс узып баручы кышны, ә кызыл төс язны һәм эссе кояшны символлаштыра. Мастер-класста катнашучылар башкару эзлеклелеген игътибар белән тыңладылар, аннары барлык этапларны тырышып башкардылар. Мастер-класс азагында фотосессия һәм әзер курчаклар белән әйлән-бәйлән уйнау оештырылды.