Биектау районында балигъ булмаганнар белән тормыш кыйммәтләре турында сөйләштеләр
Биектау районы «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Алия Нигъмәтҗанова балигъ булмаганнар арасында суицидаль тәртипне кисәтү кысаларында «Минем тормыш кыйммәтләрем» дигән темага тренинг үткәрде.
Дәрес барышында катнашучылар тормыш кыйммәтләре төшенчәсе турында фикер алыштылар, аларның шәхес үсеше өчен әһәмиятен аңладылар. Шулай ук киләчәктә яшүсмерләргә юнәлеш бирәчәк эчке компас – ориентирлар системасын формалаштыру процессын карадылар.
Хокук бозуларны кисәтү кысаларында катнашучылар тормыш кыйммәтләре, социаль даирә һәм кылган гамәлләрнең үзара бәйләнеше турында фикер алыштылар. Балигъ булмаганнар үзләренең төп өстенлекләрен билгеләделәр, шәхси кыйммәтләр һәм озак вакытлы тормыш максатлары арасындагы бәйләнешне аңладылар.
Ахырда катнашучыларга балалар һәм яшьләр ышаныч телефоннары турында искә төшерделәр.