Менталь инвалидлыгы булган балаларны төймә тегәргә өйрәтәләр
Түбән Кама районының «Шәфкать» халыкка социаль хезмәт күрсәтү комплекслы үзәгендә менталь инвалид балалар өчен кул эшләре буенча мавыктыргыч дәрес узды. «Кул эшләре әлифбасы» программасы кысаларында хезмәт буенча инструктор Ирина Кожевникова балаларны төймә тегү нигезләре белән таныштырды, шул ук вакытта вак моториканы һәм хәрәкәтләрне координацияләүне үстерде.
Дәрес «Тылсымлы капчык» уены белән башланып китте. Аннары барысы бергә төймәләрнең төрлелеген өйрәнделәр.
Практик өлеш башланыр алдыннан белгеч энә белән эшләү кагыйдәләрен искә төшерде. Энә саплау һәм төен ясау иң катлаулы этап булып чыкты. Ләкин белгеч ярдәме белән барысы да башкарып чыкты.
Балалар эш принцибын бик тиз аңладылар һәм шатланып төймә тектеләр, ә Ирина Кожевникова катлаулы этапларда ярдәм итте. Әзер эшләнмәләр белән балалар бик горурланды.