Югары Ослан интернат-йортына эзләү отрядларыннан балалар килде
«Кар десанты» һәм «Ялкын» эзләү отрядлары балалары Югары Ослан өлкәннәр һәм инвалидлар интернат-йортында булдылар. Район ветераннар советы рәисе Римма Троицкая биредә яшәүчеләр өчен социаль партнерлык кысаларында кызыклы чара оештырды.
Кунаклар хәрби темага театральләштерелгән миниатюралар күрсәттеләр, шулай ук һәр социаль хезмәт алучыга истәлекле бүләк тапшырдылар.
«Хәтер маршы» республика акциясе кысаларында оештырылган очрашу интернат-йортта яшәүчеләрдә зур тәэсир калдырды. Аларга яшь эзләүчеләр белән аралашу, аларның сәфәрләре, мөһим табышлары турында белү кызык иде. Мондый чаралар дөньяга карашны киңәйтә, яшьләр белән аралашу шатлыгы бүләк итә – болар барысы да социальләшүгә ярдәм итә, өлкәннәрдә когнитив һәм коммуникатив күнекмәләрне активлаштыра.