«Ялкын» приютындагы балалар лазертаг буенча турнирда иң яхшылар булдылар

2026 елның 12 марты, пәнҗешәмбе

Балалар һәм яшүсмерләр өчен «Ялкын» социаль приютында тәрбияләнүчеләр Бөгелмә шәһәренең «Форпост» үзәге оештырган лазертаг буенча муниципаль турнирда катнашты.

Лазертаг – физик һәм менталь сәламәтлеккә файда китерә торган, чыдамлыкны, координацияне һәм тактик фикерләүне үстерә торган, стрессны киметә һәм кәефне яхшырта торган куркынычсыз команда уены. Уен барышында балалар физик әзерлекләрен генә түгел, командада нәтиҗәле эш итә белүләрен дә күрсәттеләр.

Хәрби-спорт уены югары дәрәҗәдә узды. «Ялкын» приюты балалары лаеклы 1 урынны яулады.