«Яңарыш» үзәгендә тавыш терапиясе белән инклюзив тренинг уздырдылар
10 март көнне Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Җырлаучы чынаяклар» тавыш терапиясе белән инклюзив тренинг үткәрелде. Чарада яшүсмерләр һәм менталь тайпылышлары булган балаларның ата-аналары катнашты.
Чара «Намасте» студиясе җитәкчесе Ирина Кривоплясова белән әңгәмәдән башланды, ул үзенең һөнәре һәм остазлык тәҗрибәсе турында сөйләде. Бу авыр эштә нинди нәтиҗәләргә ирешүе турында аның укучысы, шулай ук сәламәтлеге мөмкинлекләре чикләнгән баланың әнисе Наталья Гришина сөйләде.
Аннары катнашучыларны очрашуның практик өлеше – инклюзив тренинг өчен залга чакырдылар. Башта Ирина Кривоплясова зур булмаган йога практикасын уздырды, ә ахырда барлык катнашучылар җырлаучы чынаякларның тылсымлы авазларыннан ләззәт алдылар. Мондый тавыш терапиясе барлык кешеләр өчен дә, шул исәптән инвалидлар өчен дә бик яхшы туры килә.