«Өмет» үзәгендә музыка коралы кулланып дәрес үткәрделәр
Биектау районындагы «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Алия Нигъмәтҗанова «Юлдаш» төркемендә катнашучылар белән бергә Фимбо музыка коралын кулланып «Минем кәефем» дигән чара үткәрде.
Фимбо йомшак, гармонияле тавышка ия, ул нерв системасына уңай йогынты ясый. Дәрестә яшьләр импровизацияләделәр, үз музыкасын булдырдылар, ритм һәм музыка ишетү тойгысын үстерделәр, стрессны, мускуллар киеренкелеген, борчылуны киметтеләр, үз-үзләренә ышанычны арттырдылар, шулай ук моториканы һәм координацияне яхшырттылар.
Шул рәвешле, төркем белән эшләгәндә Фимбо барабанын куллану музыка шөгыле генә түгел, ә эчке киртәләрне җиңү, социаль күнекмәләрне үстерү һәм эчке гармония булдыру өчен инструмент булды.