Югары Ослан интернат-йортында яшәүчеләр ташландык материалдан эшләнмәләр ясады
Югары Ослан өлкәннәр һәм инвалидлар интернат-йортында гадәти булмаган иҗади мастер-класс үткәрелде.
Хезмәт буенча инструктор Татьяна Стригачева җитәкчелегендә социаль хезмәтләр алучылар ташландык материалдан оригиналь чәчәкләр ясадылар. Бер тапкыр кулланыла торган медицина битлекләре, пластилин, төсле кәгазь һәм теш чистарткычлар кулландылар. Эш барышында катнашучылар идеяләре белән уртаклаштылар, бер-берсенә ярдәм иттеләр һәм рәхәтләнеп аралаштылар. Әзер чәчәкләрне социаль хезмәтләр алучы Андрей Беляков ясаган вазага куйдылар.
«Мондый мастер-класслар вак моториканы һәм хәрәкәтләрне координацияләүне үстереп кенә калмый, кәефне дә күтәрә. Алар иҗат белән шөгыльләнергә этәрә, хәтта ташландык материаллардан да оригиналь эшләнмәләр ясарга мөмкин булуын ачык күрсәтә», – ди Татьяна Стригачева.