«Яңарыш» тернәкләндерү үзәгендә әкият геройларының хокуклары турында сөйләштеләр

2026 елның 3 марты, сишәмбе

2 март көнне Бөгелмә шәһәренең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Әкият геройларының да хаклары бар» дигән диалог булды. Чараның максаты баланың төп хокуклары белән таныштыру һәм әкият призмасы аша әхлакый-хокукый нормалар тәрбияләү иде.

Слайд-диалог ярдәмендә балалар үзләрен чын канун белгечләре итеп тоя алдылар. Яраткан әкиятләрендәге ситуацияләрне анализлап, балалар геройларның кайда үз хокукларын бозу белән очрашканын, ә кайда гаделлек җиңүен танырга өйрәнделәр.

Шулай ук катнашучыларга балалар ышаныч телефоны эше турында белешмәләр тапшырылды.