«Кояшлы» тернәкләндерү үзәге лаеклы бүләк алды
Казандагы «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәге хезмәткәрләре Татарстан Республикасының «Беренчеләр хәрәкәте» гомумроссия иҗтимагый-дәүләт балалар һәм яшьләр хәрәкәтенең төбәк бүлеге киңәшмәсендә катнаштылар. Чара грант проектларын уңышлы гамәлгә ашыру мәсьәләләренә багышланган иде.
Киңәшмә кысаларында 2025 елда «Беренчеләр хәрәкәте» федераль грант конкурсы йомгаклары, шулай ук Татарстан Республикасы Рәисе грантлары конкурсы нәтиҗәләре каралды.
Проектлар буенча фикер алышу һәм социаль өлкәгә керткән өлешләрен бәяләү йомгаклары буенча Татарстан Республикасы Рәисе ярдәмчесе һәм «Беренчеләр хәрәкәте» оешмасының төбәк бүлеге рәисе Тимур Сөләйманов «Кояшлы» тернәкләндерү үзәге хезмәткәрләренә рәхмәт хатлары тапшырды. Бүләк белән гамәлгә ашырылган грант программалары кысаларындагы нәтиҗәле эшне билгеләп үттеләр.