«Кояшлы» тернәкләндерү үзәгендә һөнәр сайлау турында сөйләштеләр
Казанның «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә чираттагы ачык гаилә / ата-аналар көне узды. Чара һөнәри үзбилгеләнү стратегиясенә багышланды һәм гаиләләрдә үз балалары өчен аңлы рәвештә һөнәр сайлауга психологик әзерлек формалаштыруга һәм тернәкләндерү процессында гаиләнең ролен ныгытуга юнәлдерелде.
Очрашуда халыкны эш белән тәэмин итү үзәге вәкиле чыгыш ясады. Ул катнашучыларны һөнәр сайлауның төп принциплары белән таныштырды, карьераны планлаштырганда җибәрелгән типик хаталарны ачыклады һәм ата-аналарның сорауларына җавап бирде.
Чара гаиләләрне тернәкләндерү һәм белем алмашу процессына җәлеп итүнең югары нәтиҗәлелеген раслады. Катнашучылар алынган тәкъдимнәрнең гамәли кыйммәтен һәм ярдәмнең мөһимлеген билгеләп үттеләр.