Татарстанда 488,5 меңнән артык өлкән буын кешесе «Актив озын гомерлелек» программасына кертелгән
Татарстанда «Актив озын гомерлелек» республика программасын гамәлгә ашыру дәвам итә. Ул өлкән буын гражданнарының тормыш активлыгын арттыруга юнәлдерелгән, бу аларның гомер озынлыгын һәм актив озын гомер чорын арттыруга ярдәм итә.
«Актив озын гомерлелек» программасы «Гаилә» милли проектының «Өлкән буын» федераль проекты кысаларында гамәлгә ашырыла. 2026 елның 1 февраленә анда 488,5 меңнән артык татарстанлы җәлеп ителгән. Өлкән яшьтәге 347 мең граждан физкультура һәм спорт белән шөгыльләнә, 120,7 мең кеше мәдәни-ял итү эшчәнлегенә җәлеп ителгән. Тагын 13,4 мең татарстанлы белем бирү чараларында катнаша, ә волонтерлык эшчәнлегенә 7,4 мең өлкән яшьтәге кеше җәлеп ителгән.
2026 елда «Актив озын гомерлелек» программасы белән өлкән буын гражданнарының 46 % колачлау планлаштырыла, бу 506 265 кешене тәшкил итә.