«Балкыш» приютында тәрбияләнүчеләр туган телнең матурлыгы белән танышалар

2026 елның 13 феврале, җомга

Түбән Кама районының «Балкыш» балалар һәм яшүсмерләр өчен социаль приютында тәрбияләнүчеләр бөек татар шагыйре Габдулла Тукай иҗатына багышланган тематик сәгатьтә булдылар. Чара шәһәр китапханәсендә «Тукай пәнҗешәмбеләре» проекты кысаларында узды.

Программа бай һәм төрле иде. Катнашучылар Тукай чоры атмосферасына чума, аның биографиясендәге кызыклы фактлар белән таныша һәм тематик викторинада катнаша алдылар. Аннары балалар Габдулла Тукай шигырьләре буенча төшерелгән анимацион фильм карадылар.