Яр Чаллыда мотивация бирүче очрашу узды

2026 елның 30 гыйнвары, җомга

27 гыйнварда Яр Чаллы шәһәренең 16 нчы мәгариф үзәгендә Беларусь Республикасының милли паралимпия җыелма командасы әгъзасы, уңышлы эшмәкәр Алексей Талай белән очрашу булды.

«Изгелек» инвалидларны тернәкләндерү үзәге хезмәткәрләре социаль хезмәтләр алучылар, коляскалы баскетболчылар белән берлектә кунакның чыгышын рәхәтләнеп тыңладылар. Алексей Талай, физик чикләүләргә карамастан, эчке көч һәм җиңүгә омтылыш формалаштыруның мөһимлеге турында илһамланып сөйләде.

Кунаклар арасында студентлар һәм мәктәп укучылары гына түгел, спорт клублары тренерлары, җәмәгать эшлеклеләре һәм махсус хәрби операциядә катнашучылар да бар иде. Алар өчен Алексей Талай үрнәге актив социаль һәм спорт тормышына кайтуга көчле этәргеч булды.