Чаңгы шуу – «Яңарыш» үзәгендә тернәкләндерү ысулларының берсе
Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә кышкы чорда чаңгыда шуу тернәкләндерү ысулларының берсе булып тора. Үзәктә тәрбияләнүчеләр атнага берничә тапкыр С. Морозов исемендәге мәдәният һәм ял паркында чаңгы юлына чыгалар. Чараларда ата-аналар да актив катнаша, балаларына спорт активлыгында булыша.
Чаңгы шуу организмны ныгыта, чыдамлык, көч һәм җитезлекне үстерә. Чаңгыда йөргәндә бөтен тән актив эшли: куллар, аяклар, сулыш органнары һәм йөрәк-кан тамырлары системасы эшли. Иңбаш поясы һәм аяк мускулларын үстерүгә аерым игътибар бирелә, бу терәк-хәрәкәт тайпылышлары булган балалар өчен аеруча мөһим.
Чаңгы шуу файдалы гына түгел, күңелле шөгыль дә. Саф салкын һава кәефне күтәрә, энергия бирә, шулай ук йокыны һәм аппетитны яхшырта.