«Астра» үзәгендә гадәти булмаган гаилә көне үткәрделәр
27 гыйнварда Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә буыннарны берләштерүче һәм гаилә традицияләрен саклап калырга ярдәм итүче гадәти булмаган ачык гаилә / ата-аналар көне узды. Чара Ватанга мәхәббәт тәрбияләүгә, гаилә бәйләнешләрен ныгытуга һәм үсеп килүче буын турында кайгыртуга юнәлтелгән төрле активлыклардан торды.
Көннең төп темасы – Ленинградны фашистлар блокадасыннан тулысынча азат итү. Оештыручылар илнең героик үткәне белән танышуга басым ясадылар, берничә белем бирү дәресләре һәм экскурсияләр уздырдылар. Махсус хәрби операциядә катнашучы Николай Гусевның чыгышы аеруча тәэсир итте.
Киләсе этап ата-аналар һәм балалар өчен оештырылган спорт бәйрәме булды. Көн социаль хезмәт һәм дәүләт оешмалары вәкилләре белән очрашулар сериясе белән тәмамланды.