Яр Чаллыда Бөек Ватан сугышы ветераны янына бардылар

2026 елның 28 гыйнвары, чәршәмбе

Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлегендә Бөек Ватан сугышы ветераны, камалыштагы Ленинградта яшәгән Нина Старкова хезмәтләр ала.

13 яшендә ул блокаданың бөтен авырлыгын татыган, әти-әнисе фронтта сугышкан вакытта ялгызы гына яшәгән. Бу авыр көннәр аның йөрәгендә мәңгегә эз калдырган, ләкин рухын сындырмаган. Сугыштан соң Нина Старкова үзен игелекле эшкә – медицинага багышлый. 38 елдан артык ул фидакарьләрчә шәфкать туташы булып эшли.

Автозавод районының бүлек мөдире һәм социаль эш буенча белгеч Нина Старкова янына килеп, аны бәйрәм белән котладылар, аңа бәхет, нык сәламәтлек һәм озын гомер теләделәр.