«Умырзая» тернәкләндерү үзәгендә ачык гаилә көне узды
Минзәлә районының «Умырзая» мөмкинлекләре чикле балалар һәм яшүсмерләр өчен тернәкләндерү үзәгендә кечкенә балаларның ата-аналары өчен ачык гаилә көне узды.
Кечкенә яшь – сенсомотор тәрбия бирү өчен иң уңайлы вакыт, ул баланың акыл сәләтләрен формалаштыру өчен нигез булып хезмәт итә. Чара барышында балалар дидактик уеннар белән таныштылар, уен формасында үз-үзеңә хезмәт күрсәтү күнекмәләренә өйрәнделәр, сенсор кабул итүне, вак моториканы үстерделәр. Педагоглар күнегүләр күрсәтеп кенә калмадылар, ә һәр уенның үсеш кыйммәтен аңлатып, ата-аналарны процесска җәлеп иттеләр. Мондый аралашу ата-аналарга баланың ихтыяҗларын яхшырак аңларга һәм өйдә шөгыльләнү алымнарын белергә ярдәм итә.
Мондый чара гади уен аша уңышлы белем алу, балалар бакчасына җайлашу һәм баланың шәхесен гармонияле үстерү өчен нигез салынуын ачык күрсәтә.