«Астра» тернәкләндерү үзәгендә тәрбияләнүчеләр математика белән таныша

2026 елның 27 гыйнвары, сишәмбе

Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә «Сәламәтлеге мөмкинлекләре чикләнгән балаларда элементар математик күзаллауларны үстерү» программасы кысаларында укытучы-дефектолог Ольга Анкудинова «Нумикон» мультисенсорлы методикасын куллана.

Методика үзенчәлекләре булган балаларның үзләштерүнең көчле якларын – күзәтү, тою, практика аша укытуны эшкә җигәргә ярдәм итә. Дәресләрдә «Нумикон» детальләре ярдәмендә бизәкләр, рәсем ясыйлар, конструкциялиләр. Методиканы куллану шәхеснең эмоциональ-ихтыяр өлкәсе үсешенә дә уңай йогынты ясый, фантазияне үстерә.