Министрлык җитәкчелеге истәлекле чарада катнашты
Бүген, Ленинградны фашистлар блокадасыннан тулысынча азат итүнең 82 еллыгы билгеләп үтелгәндә, Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова Дәрвишләр бистәсендә истәлекле чарада катнашты. Биредә ел саен 27 гыйнварда блокададагы Ленинградта яшәүчеләр һәйкәленә чәчәкләр салалар. Эльмира Зарипованы министр урынбасары, Россия Герое Рәсим Баксиков озата барды.
Министр Ленинградтагы балачагы турындагы шәхси хатирәләре белән уртаклашты.
Истәлекле дата кысаларында П. А. Полушкин исемендәге 101 нче мәктәптә Казан шәһәренең «Бөек Ватан сугышы ветераннары – блокададагы герой‑шәһәр Ленинградта яшәүчеләр» иҗтимагый оешмасы әгъзалары өчен концерт программасы оештырылды. Укучыларның чыгышлары блокада елларында ленинградлыларның ныклыгына һәм батырлыгына багышланган иде.
Эльмира Зарипова шулай ук мәктәп директоры Татьяна Петрова оештырган блокададагы Ленинград музейда булды.
