«Наз» социаль приютына хәйрия эшендә ярдәм итәләр

2026 елның 26 гыйнвары, дүшәмбе

Әгерҗе районындагы «Наз» балалар һәм яшүсмерләр социаль приютында махсус хәрби операциядә катнашучыларга актив ярдәм итәләр. Учреждениедә балаклавлар тегәләр.

Бу хәйрия эшендә инде берничә ел дәвамында приютка битараф булмаган кешеләр – Марсель Ситдыйков, Али Ибраһимов, Тигран Агаджанян ярдәм итә.

«Наз-стиль» балалар ательесында директор урынбасары Резида Шарычева җитәкчелегендә хәрби хезмәткәрләр өчен балаклавлар тегәләр. 2022 елдан приютта тәрбияләнүчеләр һәм хезмәткәрләр тарафыннан җәмәгать эшлеклесе Әлфия Блюхерова катнашында 1 500 балаклав тегелгән һәм МХО зонасына җибәрелгән.