«Кама таңнары» приютында яңа проект эшләтеп җибәрәләр
Менделеевск районының «Кама таңнары» балалар һәм яшүсмерләр өчен социаль приютында «Курчак фургоны» музей-студиясе» проектын гамәлгә ашыру башлана, ул Татарстан Республикасы территориясендә «Лукойл» ГАҖ социаль һәм мәдәни проектлар конкурсында җиңүче булды.
19 гыйнварда волонтерларны халык традицияләрен саклауга һәм популярлаштыруга юнәлдерелгән проектта катнашырга өйрәтү башланды. Уку вакытында волонтерлар проект белән таныштылар, шулай ук куркынычсызлык техникасы буенча инструктаж үттеләр, иҗат процессына кушылдылар. Дәрес мастер-класс формасында узды: хезмәт буенча инструктор Наталья Щербакова курчак ясау технологиясен күрсәтте, курчакны ясау тарихы, аның белән бәйле традицияләр, йолалар турында сөйләде.
Проектны гамәлгә ашыру барышында «Беренчеләр хәрәкәте» волонтерлары катнашучыларга дәресләр үткәргәндә һәм күргәзмәләр оештырганда ярдәм итәчәк. Проект яшь буында иҗади күнекмәләрне, командада эшләү күнекмәләрен үстерүгә, толерантлык һәм патриотлык формалаштыруга ярдәм итәчәк.