Түбән Кама приютында тәрбияләнүчеләр өчен кызыклы очрашу оештырылды
Түбән Кама районының «Балкыш» балалар һәм яшүсмерләр социаль приюты яшүсмерләренә волонтерлар белән очрашу нәтиҗәсендә һөнәрләр дөньясы һәм финанс грамоталылыгы нигезләре белән якыннан танышу мөмкинлеге бирелде.
Балалар өчен «Һөнәрләр картасы» дигән мавыктыргыч уен үткәрелде: катнашучылар һөнәри эшчәнлекнең төрле өлкәләрен өйрәнә, үз мөмкинлекләрен бәяли алдылар. Уен балаларга киләчәк турында уйланырга һәм һөнәр сайлауда беренче адымнарын ясарга мөмкинлек бирде.
Моннан тыш, финанс белеме мәсьәләләренә дә игътибар бирелде. Катнашучылар шәхси бюджет белән идарә итү нигезләрен, чыгымнарны планлаштыру, акчаларны рациональ тоту кагыйдәләрен һәм капитал туплау ысуллары турында белделәр. Бу белем авыр тормыш хәлендә калган балалар өчен аеруча мөһим, чөнки алар мөстәкыйль олы тормышка әзерләнергә мөмкинлек бирә.
«Мондый чаралар безнең тәрбияләнүчеләргә һөнәрләр дөньясы турында күзаллауларны киңәйтергә һәм тормыш юлын сайлау алдында үзләрен ышанычны тоярга ярдәм итә», – дип билгеләп үтте тәрбияче Юлия Ситдыйкова.