«Балкыш» приютында гаилә кыйммәтләрен формалаштыралар
Түбән Кама районының «Балкыш» балалар һәм яшүсмерләр өчен социаль приютының өлкән кызлар төркемендә «Гаилә сукмаклары» программасын тормышка ашыру кысаларында күңелгә үтеп керерлек дәрес узды – балалар энеләре һәм сеңелләре белән фотога төштеләр.
Фотолар җанлы һәм эчкерсез килеп чыкты: кемдер энесен кочаклап алды, ә кемдер, туганының кулыннан тотып, камерага елмайды.
Дәреснең нәтиҗәсе бердәмлек һәм ярдәм символы булган якты фотоколлаж булды. Бу чара кызларга кече туганнары тормышында үзләрен әһәмиятле итеп тоярга, гаиләдә кайгырту һәм ярдәмнең мөһимлеген аңларга, эмоциональ элемтәләрне ныгытырга ярдәм итте.
«Гаилә сукмаклары» программасы үз эшен дәвам итә, приютта тәрбияләнүчеләргә үз-үзләренә ышаныч уятырга һәм гаилә кыйммәтләрен бәяләргә өйрәнергә ярдәм итә. Алда яңа дәресләр, яңа ачышлар һәм балалар хәтерендә калачак тагын да җылы мизгелләр көтә», – диде тәрбияче Лилия Хафизова.