Югары Ослан интернат-йортында яшәүчеләр бәйләү техникаларын үзләштерәләр
«Тылсымлы йомгак» түгәрәгенең чираттагы дәресе Югары Ослан өлкәннәр һәм инвалидлар интернат-йортында узды. Аны эчке волонтер Любовь Овчарова алып бара. Аның җитәкчелегендә биредә яшәүчеләр бәйләүнең төрле техникаларын үзләштерәләр, үз куллары белән уникаль эшләнмәләр ясыйлар.
Шушы көннәрдә үткән дәрестә резинка бәйләргә өйрәнделәр. Аны үтәү аерым игътибар һәм төгәллек таләп итә. Барлык катнашучылар да бик тырыштылар, һәм нәтиҗәдә бу бизәк барысының да килеп чыкты.
Мондый дәресләр кулларның вак моторикасын, иҗади үз-үзеңне белдерүне үстерүгә ярдәм итә. Алар инсульт кичерүчеләр өчен аеруча файдалы: мондый мастер-класслар барышында социаль хезмәтләр алучылар игътибарларын тупларга өйрәнә, күбесе гамәлдә яңадан хисапны үзләштерә, төсләрне танырга өйрәнә.
«Тылсымлы йомгак» түгәрәге атнага ике тапкыр эшли. Ел башыннан мондый шөгыльләр белән яшәүчеләрнең кимендә өчтән берен колачлаганнар.