Әлмәттә сәламәт яшәү рәвешен пропагандалыйлар

2026 елның 16 гыйнвары, җомга

15 гыйнварда Әлмәт районының «Опека» халыкка социаль хезмәт күрсәтү комплекслы үзәгенең социаль хезмәт күрсәтү һәм социаль ярдәм хезмәте белгече «Луч» яшүсмерләр клубы педагоглары белән берлектә «Сәламәт яшәү рәвешен пропагандалау» темасына сораштыру үткәрделәр.

Чарада авыр тормыш хәлендә калган балигъ булмаганнар катнашты. Аларга сәламәт яшәү рәвеше һәм үз сәламәтлекләрен саклау ысуллары турында сөйләделәр. Шулай ук сораштыруда катнашучыларга тематик белешмәләр тапшырылды.