«Опека» үзәге хезмәтләрен алучылар өчен психологик тренинг
15 гыйнварда Әлмәт районының «Опека» халыкка социаль хезмәт күрсәтү комплекслы үзәге базасында «Без бергә: дуслык күпере» дигән психологик тренинг узды. Гаиләгә һәм балаларга социаль ярдәм бүлеге психологы Зилә Садыйкова «Лекотека» кабинетында оештырган чара менталь үзенчәлекләре булган кешеләргә ярдәм итүгә юнәлдерелгән иде.
Тренингның төп максатлары төркемдә яхшы атмосфера тудыру, уртак иҗади эшчәнлек аша үзара хезмәттәшлек итүнең уңай тәҗрибәсен формалаштыру булды.
Очрашу барышында катнашучылар актив рәвештә коммуникатив һәм иҗади күнегүләрдә катнаштылар. Уртак тырышлык белән символик арт-объект – матур дуслык күпере төзелде.
Катнашучылар уртак эшчәнлектән уңай эмоцияләр генә алып калмадылар, ышанычны ныгытуга, коммуникатив күнекмәләрне үстерүгә һәм коллективта үзләренең әһәмиятен аңлауга мөһим адым ясадылар.