Җәлил интернат-йортында кышкы күңел ачу
Җәлил өлкәннәр һәм инвалидлар интернат-йортында кышкы күңел ачулар һәм бәйрәм рухы хөкем сөрә. Социаль хезмәтләр алучылар даими рәвештә чаңгыда шуу өчен урамга чыгалар. Бу вакытны актив һәм күңелле итеп үткәрү, шул ук вакытта үз сәламәтлегеңне ныгыту өчен менә дигән мөмкинлек.
Чаңгыда шуу хәрәкәтләрне координацияләүне үстерергә ярдәм итә, сулыш һәм йөрәк-кан тамырлары системаларының эшен яхшырта, организмның гомуми тонусын күтәрә. Күп кенә өлкәннәр өчен мондый эшчәнлек чын бәйрәмгә әверелә, яшьлекне искә төшерергә һәм яңа хисләр кичерергә мөмкинлек бирә.
Учреждение хезмәткәрләре һәр катнашучының сәламәтлеген игътибар белән күзәтәләр, иминлекне һәм уңайлылыкны тәэмин итәләр. Мондый инициативалар ярдәмендә интернат-йортта яшәүчеләр шатлык һәм уңай хис-кичерешләр белән тулы актив һәм бай тормыш алып барырга мөмкинлек ала.