Ике эш бирүче хезмәткәрләренә тоткарланган хезмәт хакын түләгән
Татарстан Республикасы Хезмәт, халыкны эш белән тәэмин итү һәм социаль яклау министрлыгы дәүләт идарәсе, җирле үзидарә органнары, контроль-күзәтчелек, хокук саклау һәм салым органнары белән берлектә хезмәткәрләрнең хезмәтенә вакытында һәм тулысынча түләү өлешендә хезмәт хокукларын үтәүне тәэмин итү эшен дәвам итә.
Республика халкының тормыш дәрәҗәсен күтәрү, хезмәт, чит ил хезмәткәрләрен җәлеп итү ведомствоара комиссиясе һәм Социаль-хезмәт мөнәсәбәтләрен җайга салу буенча республика өчьяклы комиссиясе каршындагы Хезмәткә түләү, керемнәр һәм халыкның тормыш дәрәҗәсе буенча координация советы эше кысаларында республиканың ике эш бирүчесе тоткарланган хезмәт хакын түләгән.
Югары Ослан районында «Казан» тау чаңгысы спорт-савыктыру комплексы» АҖ 38 хезмәткәргә 1 798,850 мең сум түләгән.
Казанда «Силикон» ҖЧҖ 8 хезмәткәргә 920,060 мең сум түләгән.