«Кама таңнары» приютында тәрбияләнүчеләр Яңа ел бүләкләре алдылар

2025 елның 29 декабре, дүшәмбе

29 декабрьдә «Алабуга» махсус икътисадый зонасы территориясендә автомобильләрне серияле җитештерүче Aurus компаниясе коллективы Менделеевск районында балалар һәм яшүсмерләр өчен «Кама таңнары» социаль приютында тәрбияләнүчеләр өчен хәйрия акциясе оештырды һәм үткәрде. Чара кысаларында предприятиенең генераль директоры һәм аны озатып йөрүче Кар кызы һәр балага Яңа ел бүләге тапшырды.

Чара вакытында кунаклар балаларга предприятие турында сөйләделәр һәм аларны экскурсиягә чакырдылар. Бу вакыйга шатлык өстәп кенә калмады, ә балаларга оешманың ничек эшләвен, корпоратив культураның нәрсә икәнен яхшырак аңларга ярдәм итте.