«Кояшлы» үзәгендә тәрбияләнүчеләр иҗади конкурста катнашулары өчен бүләкләр алдылар
Казанда «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр III «Детальләрдә индивидуальлек» кулдан эшләнгән әйберләр халыкара конкурсында катнашып, призлы урыннар яуладылар. Төрле илләрдән килгән иҗади катнашучыларны берләштергән чара тернәкләндерү узучы балаларның индивидуальлеген, сәнгати зәвыгын һәм осталыгын күрсәтү өчен мөһим мәйданчык булды.
Үзәк педагоглары җитәкчелегендә «Гаилә остаханәсе» проекты кысаларында балалар төрле техника һәм эш материалларын кулланып иҗат иттеләр. Һәр эшләнмә авторның шәхси үзенчәлекләрен, аның эмоциональ дөньясын һәм иҗади потенциалын чагылдыра.
Конкурста катнашу үзеңне таныту мөмкинлеге генә түгел, социаль һәм иҗади тернәкләндерүнең мөһим этабы да булды. Оештыручылар тәкъдим ителгән эшләрнең югары дәрәҗәдә булуын, шулай ук балаларның һәм аларның гаиләләренең иҗат процессына тирән җәлеп ителүен билгеләп үттеләр.