Спас интернат-йорты карамагындагыларны якынлашып килүче бәйрәм белән котладылар

2025 елның 29 декабре, дүшәмбе

«Алексеевскдорстрой» ААҖ Спас участогы җитәкчесе Алексей Тюленев үз исеменнән, Татарстан Республикасы Дәүләт Советы депутаты Фоат Вәлиев һәм «Алексеевскдорстрой» ААҖ генераль директоры Марат Саттаров исеменнән Спас өлкәннәр һәм инвалидлар интернат-йортының социаль хезмәт алучыларын якынлашып килүче Яңа ел белән котлады һәм һәр тәрбияләнүчегә азык-төлек пакетлары тапшырды.

Никольский авыл мәдәният йортының үзешчән артистлары, «көмеш» яшьтәге волонтерлар, учреждение активистлары һәм хезмәткәрләре җырлар, биюләр, мәзәкләр һәм конкурслар белән кызыклы күңел ачу программасы үткәрделәр.