«Астра» үзәгендә тәрбияләнүчеләр Хәтер музеенда булдылар

2025 елның 25 декабре, пәнҗешәмбе

Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр Хәтер музеенда булдылар.

Музей хезмәткәре Бөек Ватан сугышы елларында фронтта һәм тылда Яңа елны ничек каршылаулары турында сөйләде. Укучылар шул чорның чын предметларын – фронт хатларын, кәгазь һәм мамыктан кулдан ясалган чыршы уенчыкларын, сугыш елларының Яңа ел открыткаларын күрделәр. Тернәкләнүчеләргә солдатларның окопларда соңгы кисәк икмәк белән уртаклашулары, хәтта иң авыр шартларда да шатланыр өчен сәбәп табулары турында сөйләүләр аеруча тәэсир итте.

Балалар шулай ук чыршы уенчыклары ясау буенча мастер-классларда катнаштылар.

Бу чара бәйрәмгә яңача карарга, Җиңүнең нинди бәя белән яулануын аңларга ярдәм итте.