Әлмәттә гаиләләр өчен Яңа ел интерактив әкияте булды

2025 елның 23 декабре, сишәмбе

Әлмәт татар дәүләт драма театры үзенчәлекле кунаклар өчен үз ишекләрен ачты. Театр сәхнәсен «Яңа ел ыгы-зыгысы» интерактив әкият алды. Чарада «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе хезмәтләрен алучылар катнашты.

Балалар һәм аларның әти-әниләре тамашачы гына булмады, ә әкият тамашасында да актив катнаштылар. Мондый мәдәни вакыйгалар социаль адаптациядә әһәмиятле роль уйный, уңай эмоцияләр бирә һәм үсеп килүче буынның иҗади үсешенә ярдәм итә.