«Шәфкать» үзәгендә инвалидлар декадасына йомгак ясыйлар
Инвалидлар декадасы кысаларында Түбән Кама районының «Шәфкать» халыкка социаль хезмәт күрсәтү комплекслы үзәгендә социаль хезмәт алучылар өчен чаралар узды.
Көндезге тору бүлеге карамагындагылар өчен җайлаштырылган мәгълүмат сәгате үткәрелде, анда аларга бу мөһим датаның мәгънәсе һәм әһәмияте аңлатылды. Шулай ук алар хәйрия нигезендә кинотеатрда булдылар, махсус һөнәри юнәлеш бирү турында катнаштылар.
«Дом. Одежда. Обувь» кибете сәламәтлеге мөмкинлекләре чикләнгән балалы гаиләләр өчен хәйрия акциясе оештырды. Чара барышында ата-аналар һәм балалар үзләре кирәкле товарларны сайлый алдылар. Хәйрия акциясе белән 45 гаилә колачланды.
Көндезге тору төркемендә «Сәләтләр парады» конкурсы узды. Катнашучылар үзләренең барлык иҗади мөмкинлекләрен күрсәтә алдылар. Һәркем диплом һәм истәлекле бүләк белән бүләкләнде.
Түбән Кама шәһәренең Халык иҗаты йортында сәламәтлеге мөмкинлекләре чикләнгән кешеләрнең «Йөрәктән йөрәккә» муниципаль иҗат фестиваленең гала-концерты булды. Чарада актив катнашучылар арасында «Шәфкать» үзәгенең социаль хезмәтләр алучылары да бар иде.
Үзәк карамагындагыларның «Җаннар бердәмлеге» инклюзив сәнгать конкурс-фестивалендә катнашуы әһәмиятле вакыйга булды. Алынган бүләкләр җәмәгатьчелек тарафыннан танылу билгесе генә түгел, ә киләчәктә иҗади үсеш өчен мөһим стимул да булып тора.
Карау мәктәбенең шәфкать туташы Түбән Кама шәһәренең «Ярдәм» патронаж хезмәте вәкилләре арасында «Яхшылык кыл» дип аталган чара үткәрде.
Социаль-тернәкләндерү бүлеге хезмәтләрен алучылар өчен шәһәрнең иҗат коллективларын җәлеп итеп чаралар уздырылды.
Өйдә социаль хезмәт күрсәтү бүлеге инвалидлары да игътибарсыз калмады. Аларга кунакка волонтерлар килде.