«Исток-Башлангыч» комплекслы үзәгендә «Дөньяга адым» программасы гамәлгә ашырыла

2025 елның 12 декабре, җомга

11 декабрьдә Лениногорск районының «Исток‑Башлангыч» халыкка социаль хезмәт күрсәтү комплекслы үзәгендә «Дөньяга адым» программасы кысаларында «Яңа ел уенчыгы» исемле чираттагы иҗат дәресе булып узды.

Белгечләр җитәкчелегендә һәр яшүсмер чыршы бизәге ясады. Йомшак материал белән эшләү катнашучыларга үз идеяләрен белдерергә һәм иҗат процессының шатлыгын тоярга мөмкинлек бирде. Һәр балага индивидуаль якын килү аны дәрескә җәлеп итүгә ярдәм итте.

Очрашу катнашучыларга шатлык һәм Яңа ел алды кәефе бүләк итте. Ясалган уенчыкларны балалар йортны бизәү өчен яки якыннарына бүләк итеп куллана алачак.