Алабуга районыннан ата-аналар экспертлардан консультацияләр алды

2025 елның 25 ноябре, сишәмбе

25 ноябрьдә Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә чираттагы ачык гаилә / ата-аналар көне узды.

Экспертлар күпбалалы гаиләләргә һәм инвалид балалар тәрбияләүче гаиләләргә дәүләт тарафыннан социаль, медицина һәм хокукый ярдәм чаралары турында сөйләделәр. Түгәрәк өстәл һәм индивидуаль консультацияләр барышында ата-аналар дәүләт хезмәтләрен алуның административ регламентлары, пособиеләр һәм ярдәм чаралары билгеләү, өстәмә отпусклар һәм инвалид балалар тәрбияләүче ата-аналарның эш режимы, дарулар һәм техник тернәкләндерү чаралары белән тәэмин итү, өстәмә белем алу белән бәйле сораулар бирделәр.

Очрашу конструктив узды. Катнашучылар оештыручыларга һәм экспертларга рәхмәт белдерделәр.