«Чишмә» үзәгендә Карау мәктәбендә укыту дәресләре дәвам итә
«Гаилә» илкүләм проекты кысаларында Теләче районының «Чишмә» халыкка социаль хезмәт күрсәтү комплекслы үзәге базасында стационарны алмаштыра торган «Карау мәктәбе» технологиясе уңышлы эшли. Бу үз-үзләренә хезмәт күрсәтү сәләте сизелерлек кимегән кешеләрне караучы затлар өчен зур ярдәм.
Укулар расланган план-график буенча төркемле яисә индивидуаль формаларда уза һәм аз хәрәкәтләнүче гражданның дөрес карамау белән бәйле катлаулануларны булдырмауга юнәлдерелгән. Бүгенге көндә персонал арасыннан 24 кеше һәм 41 туган белем алган.
Социаль хезмәткәрләр өчен чираттагы төркемле дәрестә «Карауның үзәк элементы буларак коммуникация» темасы буенча фикер алыштылар. Тыңлаучылар карауга мохтаҗ затлар белән аралашу үзенчәлекләре, аралашу төрләре һәм аралашу этикасы белән таныштылар.