Татарстанда 1 400 хөкем ителүчегә эшкә урнаштыру буенча консультацияләр бирелде
Татарстан Республикасында «Россия эше» кадрлар үзәге иректән мәхрүм итү урыннарындагы затларга ярдәм итү буенча зур эш башкарды. 2025 елда үзәк белгечләре УФСИНның 54 учреждениесендә 144 күчмә чара оештырган, анда 1 400 хөкем ителүче профконсультация алган.
Программада катнашучылар «Россия эше» порталы белән ничек эшләргә, нәтиҗәле резюме төзергә, әңгәмәләргә әзерләнергә өйрәнделәр. Шулай ук аларга бушлай уку мөмкинлекләре һәм дәүләт программалары турында сөйләделәр.
Башкарылган эш нәтиҗәләре буенча 113 азат ителгән кеше эшкә урнашуда ярдәм сорап мөрәҗәгать иткән, 53 кеше уңышлы эшкә урнаштырылган. 69 вакансияләр ярминкәсе үткәрелгән.
Азат ителгәннән соң теләсә кайсы граждан Татарстандагы «Россия эше» кадрлар үзәгенә эшкә урнашуда бушлай ярдәм сорап мөрәҗәгать итә ала.
Чыганак: Татарстан Республикасында «Россия эше» кадрлар үзәге