Лениногорск районы социаль хезмәт күрсәтү үзәгендә гаилә сәгате узды
Лениногорск муниципаль районының «Исток-Башлангыч» халыкка социаль хезмәт күрсәтү комплекслы үзәгендә «Гаилә» илкүләм проектын гамәлгә ашыру кысаларында актив эш дәвам итә. Социаль хезмәт алучылар өчен «Гаилә кыйммәтләре» дип аталган гаилә сәгате мөһим вакыйга булды, аны социаль эш буенча белгеч Алсу Вахитова үткәрде.
Чара төрле буыннар арасында үзара аңлашуны һәм ышанычлы мөнәсәбәтләрне ныгытуга багышланган иде. Традицион лекция урынына белгеч интерактив формат сайлады – иң мөһиме турында сөйләшү өчен җайлаштырылган мавыктыргыч «Лото» гаилә уены.
«Мондый уеннар – вакытны күңелле уздыру гына түгел, ә формаль булмаган шартларда җитди нәрсәләр турында сөйләшүнең дә менә дигән ысулы», – дип билгеләп үтә Алсу Вахитова.
Уен барышында балалар һәм ата-аналар арасында эмоциональ бәйләнеш ныгый.