Татарстанда хәрби хезмәткәрләрнең хокукларын яклау һәм аларга ярдәм итү мәсьәләләре буенча кайнар линия оештырыла
Халыкка түләүсез юридик ярдәм күрсәтү, шулай ук гражданнарны хокукый агарту максатында Татарстан Республикасында Кеше хокуклары буенча вәкаләтле вәкил һәм «Мәрхәмәт – Милосердие» хатын-кыз депутатлар берләшмәсе 28 ноябрьдә хәрби хезмәткәрләрнең хокукларын яклау һәм аларга ярдәм итү мәсьәләләре буенча халык өчен кайнар телефон линиясе үткәрәчәк.
Кайнар линия телефоны аша хәрбиләрнең һәм аларның гаилә әгъзаларының хокуклары бозылу, хәрби хезмәткә чакыру тәртибен бозу, социаль һәм хокукый ярдәм алу зарурлыгы, түләүләр һәм ташламалар белән бәйле проблемалар, медицина белән тәэмин итү һәм тернәкләндерү мәсьәләләре турында хәбәр итәргә мөмкин булачак.
Белгечләр гражданнарга 10:00–14:00 сәгатьтә түбәндәге адрес буенча консультация бирәчәк: Казан шәһәре, Карл Маркс ур., 61 йорт. 8 (843) 236-00-71 телефоны буенча шалтыратырга яки мөрәҗәгатьне 8 960 049-68-14 номерына WhatsApp мессенджеры аша җибәрергә мөмкин.