«Кама таңнары» приютында чүлмәкче остаханәсе эшенә йомгак ясалды
«Җиңү вакыты» АКБО «Балчык әкияте» чүлмәкчелек остаханәсе» проектын гамәлгә ашыруны дәвам итә. Проектны гамәлгә ашыру буенча дәресләр Менделеевск районындагы «Кама таңнары» балалар һәм яшүсмерләр социаль приютында уза. Әлеге проект гражданлык җәмгыятен үстерүгә Татарстан Республикасы рәисе гранты ярдәмендә мөмкин булды.
Проект ахырына якынлаша, һәм аны гамәлгә ашыру финалында шәһәр халкы һәм проект партнерлары йомгаклау чарасына чакырылган иде, анда приютта тәрбияләнүчеләрнең һәм чүлмәкче остаханәсендә белем алган сәламәтлек мөмкинлекләре чикләнгән балалар һәм яшүсмерләрнең эшләре күргәзмәсе оештырылды. Бәйрәмгә һәм проект эшенә йомгак ясауга проектта катнашучылар, кунаклар һәм алардан башка проект тормышка ашмаслык кешеләр җыелды.
Проект җитәкчесе кунакларга проектны оештыру эшчәнлеге һәм аны гамәлгә ашыру этаплары турында сөйләде, проект командасы белән таныштырды. Остаханәдә укыган вакытта катнашучылар бик зур эш башкардылар: чүлмәкче һөнәренең нигезләрен үзләштерделәр, балчык һәм чүлмәкче даирәсе белән дуслаштылар. Җыелганнарга проектның иң якты мизгелләрен искә төшерергә видеороликлар ярдәм итте. Бәйрәм кунаклары өчен гипс сыннар буяу буенча мастер-класс оештырылды.
Проектта катнашкан балалар һәм яшүсмерләр берничә ай дәвамында үзләштергән иҗади күнекмәләрен камилләштерә алдылар, алар балалар һәм яшүсмерләрнең тормыш сыйфатын яхшыртуга китерәчәк. Проект тәмамлана, ләкин остаханәдә эш дәвам итә.
Чарада 100 дән артык кеше катнашты.