Лениногорск социаль хезмәт күрсәтү үзәгендә социаль хезмәт алучылар белән очрашу узды
«Исток-Башлангыч» халыкка социаль хезмәт күрсәтү комплекслы үзәгендә Авыр тормыш хәлендә калган балаларга ярдәм фонды ярдәмендә 2024–2025 елларга балаларның иминлеген тәэмин итү системасын үстерү буенча чаралар комплексын гамәлгә ашыру кысаларында гаиләгә һәм балаларга социаль ярдәм бүлекчәсе социаль педагогы Оксана Лямова тарафыннан «Фимбоның тылсымлы ноталары» дигән чара уздырылды. Чарада социаль хезмәт алучы гаиләләр катнашты.
Очрашуның максаты – борчылу һәм стресс дәрәҗәсен киметү өчен Фимбо музыка коралының медиатив яңгырашын куллану аша катнашучыларның психоэмоциональ хәлен яхшырту.
Педагог катнашучыларга медиатив яңгырашлы уникаль инструмент тәкъдим итте. Катнашучылар Фимбода уйнау стрессны киметеп һәм эмоциональ балансны торгызып кына калмыйча, баш мие эшен дә стимуллаштыруын белделәр.
Очрашу гаиләләргә яңа күнекмәләр генә түгел, ә эчке гармония һәм үз-үзеңне белдерү өчен ресурс та бүләк итте.