«Яңарыш» үзәгендә яхшы чара узды

2025 елның 31 октябре, җомга

«Гаилә» илкүләм проектын гамәлгә ашыру кысаларында Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Иң кадерле кеше – әни» тематик дәресе узды.

Чара барышында балалар һәр кеше өчен әнинең әһәмияте, хатын-кызга сакчыл мөнәсәбәтнең мөһимлеге турында белделәр. «Кызлар-скаутлар ассоциациясе» балалар төбәкара иҗтимагый оешмасы волонтерлары балаларга әниләре өчен матур бүләкләр әзерләүдә булышты. Төрле төстәге киездән ясалган картиналар барысына да бик ошады.

Мондый чаралар гаилә нигезләрен ныгытуга ярдәм итә, иң кадерле кешегә мәхәббәт һәм рәхмәт хисе тәрбияли.